Osagaiak (4 lagunentzako):
• Oilasko bat.
• 2 alberjinia (berenjena).
• Baso bat ardo beltz.
• Txupito bat koñak.
• 2 tipula.
• Porru bat.
NOLA EGIN:
- Ondo egosi oilaskoa, eta hezurrak kendu. Ebaki alberjiniak xerra oso meheetan eta pixka bat frijitu.
- Saltsarentzat barazkia egiten jarri (potxatu), eta tostatua ikusten dugunean, koñakarekin flanbeatu eta ardo beltza gehitu. Loditzen denean, oilaskoa egosi dugunean lortu dugun salda bota.
- Birrindu eta saltsa iragazi.
AURKEZPENA:
- Flan-ontzi baten hondoa estaliz jarriko ditugu alberjinia-xerrak.
- Gero oilaskoaren haragia jarri, eta berriro alberjinia-xerrekin estaliko dugu. Maria bainuan egosiko dugu 15 minututan.
- Mahaira ateratzerakoan 180 gradutara berotuko dugu 10 minututan, eta saltsa botako diogu gainera.
LAGUNGARRIAK:
Patata purea, aranak edo irasagarrezko gozokia.
Jai alai jatetxearen errezeta
Urrestilla bidea • 20730 Azpeitia (Gipuzkoa)
Tel.: 943 81 22 71
jaialaijatetxea@gmail.com