Antxoak tomate testurarekin eta baratxuri berrien olio-ozpin saltsarekin

Osagaiak (4 lagunentzako):

• Gatzetan dauden 32 antxoa-xerra, tamaina onekoak.
• 100 ml. oliba-olio.
• 4 pieza baratxuri berri (ajete).
• Kutxarakada bat Modenako ozpin.
• Testurarako osagaiak
  • 600 ml. tomate-mami.
  • 12 gr. gelatina.
  • 75 ml. oliba-olio birjina.
  • 15 ml. ozpin zuri.
  • Gatza.

NOLA EGIN:

Testura egiteko:

1. Ontzi batean uretan jarriko dugu gelatina, hamar minutu inguru.
2. Busti ondoren, ura kenduko diogu, eta gorde egingo dugu, albo batean.
3. Ontzi batean 150 ml. tomate-mami jarriko dugu, eta irakiten jarriko. Irakiten duenean, gelatina gehitu, ondo-ondo nahasi eta, ondoren, berotu-aldi bat emango diogu.
4. Irakiten duenean, alde batean utziko dugu, berotan.
5. Ontzi batean 450 ml. tomate, olioa, ozpina eta gelatinarekin nahastutako 150 ml. tomate jarriko ditugu, ondo-ondo nahastu eta gatza botako diogu, geure gustura.
6. Nahastura hori egindakoan, molde batean jarri, eta 12 bat ordutan hozten utziko dugu.
7. Testura puntua lortzen duenean, moldetik atera, sei zatitan banatu, eta hotzean gordeko dugu.

 Ozpin-olio saltsa (binagreta) egiteko:

1. Baratxuri berriak (ajeteak) garbitu eta zatikatu, eta ondoren ontzi batean jarriko ditugu. Olioa eta ozpina gehituko dizkiogu, ondo-ondo nahasi eta gatzaren puntua hartuko diogu. Albo batean utziko dugu.
2. Antxoak sei plateretan jarriko ditugu. Albo batean testura jarri, eta ondoren, ozpin-olio saltsa (binagreta) gehituko diegu, eta geuk nahi dugun moduan apainduko.

Mikel Uria jatetxearen errezeta

Loiolako Inazio Hiribidea, 5 – 20730 Azpeitia (Gipuzkoa) • Tel.: 943 81 43 15 • mikeluriajatetxea@gmx.es

www.mikeluriajatetxea.com