Onddoen budina

6 lagunentzako osagaiak:

  • 1 kg onddo.
  • 3 porru.
  • 2 arbi txiki.
  • 50 gr gurin.
  • 200 dl olio.
  • 160 dl esne-gain likido.
  • 160 dl tomate saltsa.
  • 325 dl salda.
  • 7 arrautza.
  • Gatza eta piperbeltza.

Plateraren prestaketa:

Porruak eta arbi txikiak ongi-ongi garbitu eta txiki-txiki eginda 50 gramo gurin eta 50 gramo oliorekin frijituko ditugu. Su eztitan frijitzen ari den bitartean, onddoak garbitu eta hiru bat milimetroko laminetan ebakiko ditugu eta 50 dezilitro oliotan erregosiko ditugu, su bizian.

Ondoren, onddoen bi herenak gehituko dizkiogu su eztitan frijitutako barazkiari, esne-gaianrekin, saldarekin eta tomate saltsarekin bustiz; ondu eta irakiten jarriko dugu hamar bat minutuz. Gerorako prest utziko dugu.

Laukizuzen formako molde bat gurinez igurtziko dugu eta ogi birrinduz hautseztatuko dugu. Ondoren, lortu dugun nahasketarekin beteko dugu eta labean sartuko dugu Maria bainuan ordubetez gutxi gorabehera.


 

Partekatu:

Utzi zure Iruzkina