Osagaiak (4 lagunentzat):
• 8 porru.
• 8 arrautza.
• Litro bat esne-gain.
• Gatza.
Saldarentzako osagaiak:
• 2 tipula.
• 4 azenario.
• 2 porru.
• Gatza.
• 2 dl. oliba-olio (0,4°koa).
NOLA EGIN:
- Porruak garbitu, duten berde guztia kenduz, eta ahal den zurien utzi. Hauek egosi, ahal den bigunen egon daitezen. Ondoren, egosten erabilitako ura kendu.
- Arrautzen gorringoa eta zuringoa bananduko ditugu. Molde gogor bat hartuko dugu, eta gurinez igurtziko dugu. Bestalde, arrautza gorringoa eta esne-gaina irabiatuko ditugu ontzi batean.
- Nahaski honi hiru arrautza- zuringoak erantsi elur puntuan, eta gatza bota.
- Aurrez prestatutako moldean, krema geruza bat eta arrautza ipiniko ditugu, porruak luzetaka jarrita beste geruza bat, karramarro haragiarekin beste geruza bat, eta horrela molde guztia bete arte.
- Ondoren, moldea Maria bainuan jarriko dugu kazola batean, eta hau labean sartuko dugu, 175°tan, ordubete. Amaitutakoan, hozten utziko dugu, erraz moztu ahal izateko.
SALDA:
- Barazkiak laukitxotan moztu eta frijitzen jarriko ditugu. Biguntzen direnean, porru salda erantsiko diogu, eta gatza bota.
- Erdira urritzen denean, “turmix”-ean pasatu, eta era honetara krema fin bat geldituko zaigu.
- Pastela puskatan moztu eta labean berotu. Plater batean karramarro krema jarriko dugu, eta, horren gainean, pastel errazioa.
Larrañaga hotela jatetxearen errezeta
Urrestilla bidea z/g • 20730 Azpeitia (Gipuzkoa) • Tel.:943 81 11 80
info@hotel-larranaga.com • www.hotel-larranaga.com