Loiolako Pipermorroa, Urola Erdiko piper berezi bat da, eta nahiko ezezaguna. Loiolako Pipermorroa, Azpeitiko eta Azkoitiko landa eremuko lursail txikietan ekoizten da. Piper mota hau, autokontsumorako eta bertako azoketan saltzeko ekoizten da. Piper mota honen kontserbazioa, karakterizazio morfologiko eta agronomikoa babesteko Neiker etxeak bertako ekoizleei haziak jaso dizkie.
Loiolako Pipermorroa, haragi lodiko fruitua da (7-8 mm), luzetara laukia eta amaiera biribildu edo/eta irregularra 3-5 lobulotan, eta 230-300 gramo inguruko pisua du. Heltzen denean, freskoan, erreta edo frijituta jan daiteke.