Irailaren 18 eta 19 an ospatuko den Azoka Herritik ekimena dela eta aipatu genizuen azokan erositako bertako produktuekin errezeta ezberdinak egiteko aukera emango zutela herriko hainbat jatetxeek. 6 izango dira guztira, baina gaurkoan ez dugu horretaz hitz egingo. Aurtengo edizioan disdira berezia izango duten produktu ekologikoez hitz egin nahi dizuegu. Pasa den urtean, Loiolako piper morroak izan zuten bezela, aurtengoan produktu ekologikoak izango dute garrantzia. Naturari zor diogun errespetuagatik eta bertako ekoizpenari garrantzia emanez, elikagai ekologikoak izango dira nagusi aurtengo edizioko azokan.
Baina ba al dakigu zer suposatzen duen elikagai bat ekologikoa izateak? Modu labur batean esanda, lurraren emankortasuna zaintzeko ardura hartu dela, biodibertsitatea landu dela eta animalien ongizatea bermatua izan dela da. Eta zergatiak garbi ikusten dira; naturarentzat eta gizakientzat osasungarriak dira eta duintasuna ematen dio nekazariari ekoizpen modu sostengarri hau erabiltzeagatik. Dena den elikagai hauen ekoizpenari begira galdera ugari etor gakiguke eta horietako bat elikagai ekologikoak kontsumitzearen zergatia litzateke. Bada, adi egon erantzunak ere ugariak dira eta:
– Ez dute gehigarri sintetikorik, ez pestizidarik, ez antibiotikorik eta ezta genetikoki aldaturiko organismorik.
– Osasungarriak dira.
– Kalitate maila gorena dute…
Elikagai ekologikoei sarrera txiki bat egin eta gero, animatuko al zara Azoka Herritiken produktu ekologikoak erostera? Akaso, animatzen hasteko bailaran ditugun ekoizle ekologikoei errepaso bat egitea izango duzu onena:
ARRETA
Beizama – Gazta
ARRIGAIN
Azpeitia – Barazkiak, gazta
ATXOLA
Azpeitia – Barazkiak, sendabelarrak etabar
BASERRITIK
Azpeitia – Baserritarren elkartea / denetarik
EKAIN
Zestoa – Sagardo ekologikoa
ENPARANGAIN
Azpeitia – Barazkiak, tomateak
ERREZILGO AZOKA/ GALARRAGA GAZTA
Errezil – Kontserbak, gazta…
ETXEARRETA
Loiola – Barazkiak
ERTXIÑEKO ARRAUTZA EKOLOGIKOAK
Aizarna – Arrautza ekologikoak
IRURE-TXIKI
Errezil – Produktu ekologikoak
ONDARRE
Errezil – Barazkiak
PREMIETXEBERRI
Azpeitia – Gazta
SAKONA. KOMUNTZO ETXALDE EKOLOGIKOA
Azpeitia – Barazkiak
SANTAKUTZ
Azkoitia – Fruta, kontserbak…
SOLAKA
Errezil – Ogia
TXANTON
Azpeitia – Barazkiak, landareak
TXARABARREN
Urrestilla – Barazkiak, loreak
UNANUE
Azpeitia – Sagardo ekologikoa
URKIZAHAR
Beizama – Txakoli ekologikoa
XOXOTE
Azpeitia – Gazta