OSAGAIAK (4 lagunentzat)
- 300 g otarrainxka
- 100 g tomate azalik eta hazirik gabe, dadotan moztuta
- 25 g tipula, brunoise eran moztuta
- 40 g haritz-hostore
- 40 g lollo roso
- 40 g txikoria gorri
- 40 g endibia (zati horia)
- 60 g eskarola
- 50 g anana
- 8 tomate ale, cherry erakoak
- Ogi frijitua dadotan
- Gatzozpinetarako osa gaiak.
- 15 g ziape, aleak
- 75 ml oliba olio
- 15 ml ozpina
- Macetilla (Pedro Ximenezen ozpina)
- Gatza
- Perexil kizkurra, lau hosto
Aparra egiteko osagaiak:
- 500 ml sagar-pulpa
- 3 gela tina-orri (uretan eta izotzetan bustita)
- 2 zuringo
PRESTAKETA
Aparra nola egin:
- Ontzi batean, sagar-pulpa pixka bat berotzen jarriko dugu.
- Epeltzen denean, gelatina erantsiko diogu, xukatuta, eta irakiten jarriko dugu, etengabe hagaxka
- batekin eraginez. Irakiten duenean, irabiatu egingo dugu, eta hozten utziko diogu. Hozten denean,
- arrautza zuringoak erantsiko dizkiogu, eta dena ondo-ondo nahastuko dugu. Ondoren, irabiatu egingo
- dugu, mousse itxura hartu arte, eta hozkailuan utziko dugu gerorako.
- Gatzozpinak nola egin:
- Ontzi batean, olioa, ziapea eta ozpina jarriko ditugu, eta gatza erantsiko diogu. Dena ondo nahastuko
- dugu, hagaxka batekin etengabe eraginez.
Otarrainxkak nola egin:
- Otarrainxkak zuritu egingo ditugu, eta gero erabiltzeko utziko ditugu.
- Ontzi batera, 50 ml olio botako dugu, eta tipula botako dugu gero, 25 g inguru.
- Su eztitan frijitzen utziko diogu.
- Egiten denean, tomatea erantsiko diogu, eta egin dadin sutan utziko dugu.
- Jada tomatea eta tipula prest ditugunean, otarrainxkak erantsiko dizkiogu, garbituta eta zurituta, eta guztia egin dadin utziko dugu.
- Egiten denean, berotan edukiko dugu.
BUKAERA ETA AURKEZPENA
- Gatza botako diegu urazei, eta plateraren erdian kokatuko ditugu; inguruan, cherry tomateak, otarrainxkak tomatetan, ogi frijitua eta sagarra jarriko ditugu, eta gatzozpinak botako dizkiogu gainetik.
- Azkenik, sagar-aparra jarriko diogu gainean, eta perrexil kizkurraren hostoekin apainduko dugu.
Errezeta: Mikel Uria, Mikel Uria jatetxea
“Sukaldean munduko sagarrik onena”
Loiolako Inazio Hiribidea, 5 – 20730 Azpeitia (Gipuzkoa) • Tel.: 943 81 43 15 • mikeluriajatetxea@gmx.es