Sagar eta foie grasezko mamia

OSAGAIAK (4 lagunentzat)

Errezil sagar “kompota”:

• 4 Errezil sagar
• 20 gr. Azukre
• Gatza

Foie-grasezko mamia:

• 200 g foie-gras natural
• 1 koilaratxo azukre
• ¾ l ardi esne
• Gatzagi artifiziala (tanta ba tzuk)
• Piperbeltza
• Gatz lodia eta fina
• Arto ale frijituak
• Errezil sagar koadrotxo txikitan ebakita

PRESTAKETA

Errezil sagar “kompota”:

1. Labe erretilu batetan jarri sagarrak aurrez zuritu eta bere bihotz eta hazi guztiak kenduta.
2. Gehitu sagarren gainera azukre eta gatz apur bat.
3. Sartu labe berora (180 Cº) 20 minutuz. Sagarrak prest daudenean, birrindu hauek trituragailu batetan pasatu.
4. Utzi hozten hoztgailuan.

Foie-grasezko mamia:

1. Laban txiki zorrotz batekin kendu zainak gibelari.
2. Ebaki gibela pusketatan eta jarri kazo batetan su baxuan urtu dadin, gatza, azukre eta xerez ardoarekin.
3. Pasa txinotik eta ondo irabiatu, krematsu agertu arte.
4. Irakin esnea kazoan eta utzi epeltzen, 34º – 36º C-tara iritsi arte.
5. Gatzagi tantak gehitu eta, ondoren, foie-gras purea.
6. Eman gatz eta piperbeltza eta nahasi ondo-ondo.
7. Mahaian aterako ditugun kopa edo kikara batzutan ipini sagar “kompota” goilarakda bat eta estali foie gras pureaz.
8. Utzi pausatzen toki freskoan, esnea mamitu arte.

BUKAERA ETA AURKEZPENA

1. Apaintzeko, azalean arto aleak eta sagar koadrotxoak.

Errezeta: Igor Zalakain, Arzak Jatetxea.

“Herriaren izena, sasoiko atzena, errege sagarra ezizena. Euskal Herriko usai, zapore guztiok sagar honi adore”.